ಡಿಯರ್,
ನೀನು ಮೊನ್ನೆ ಸುಮ್ಸುಮ್ನೇ ಕೋಪ ಮಾಡಿಕೊಂಡು ಹೋದ ಘಳಿಗೆಯಿಂದಲೇ ಯಾಕೋ ಮನಸು ನೀರಿನಿಂದಾಚೆ ಬಿದ್ದ ಮೀನು. ಮೀನು ಕಂಗಳ ನೀನಾ, ನೀನು ನಂಗೆ ಮಾಡಿದ ಮೋಡಿಯೇ ಅಂಥದ್ದು. ಅವತ್ತು ಬುಧವಾರ ನಿನ್ನ ಗೆಳತಿಯರ ಹಿಂಡಿನ ಜತೆ ಬಸ್ ಸ್ಟ್ಯಾಂಡ್ನಲ್ಲಿ ವಿಪರೀತ ಬೋಲ್ಡಾಗಿ ನಿಂತಿದ್ದೆ ನೀನು. ಆವಾಗ ನಾನೊಬ್ಬ ಮಾತ್ರ ಗಂಡುಪ್ರಾಣಿ ಅಲ್ಲಿ ಇದ್ದಿದ್ದು. ಅದಕ್ಕೇನಾ ನೀನಾ ಅವತ್ತು ನನ್ನ ಆ ಪರಿಯಲ್ಲಿ ರೇಗಿಸಿದ್ದು? ಅಲ್ಲಿ ಅಪ್ಪಟ ಪೆಕರನಂತೆ ಪೋಸು ಕೊಟ್ಟೆ ನೋಡು ಆವಾಗಲೇ ಅಂದುಕೊಂಡಿದ್ದೆ ಲವ್ ಮಾಡಿದ್ರೆ ಈ ಹುಡುಗೀನೇ ಅಂತ. ನಿಜ ಹೇಳ್ತೀನಿ ಆದರೂ ಸ್ವಲ್ಪ ಭಯ ಇದ್ದೇ ಇತ್ತು… ಈ ಸುಂದರಿ ನನ್ನಂಥ ಸಾಧಾರಣ ರೂಪಿನ ಹುಡುಗನ್ನ ಒಪ್ಕೋತಳಾ ? ಹೈ ಫೈ ಮನೆಯ ಹುಡುಗಿ ನಮ್ಮ ಮಾಮೂಲಿ ಮಿಡ್ಲ್ ಕ್ಲಾಸ್ ಮನೆಗೆ ಬರ್ತಾಳಾ ? ಬಂದರೆ ಆಮೇಲೂ ನನ್ನ ಇಷ್ಟೇ ಪ್ರೀತಿಸ್ತಾಳಾ ? ಇವೆಲ್ಲ ಸಂದೇಹಗಳ ಮಧ್ಯೆಯೇ ಆದದ್ದಾಗಲಿ ಅಂತ ನಿಂಗೆ ಪ್ರಪೋಸ್ ಮಾಡ್ದೆ. ನೀನು ಏನೆಂದರೆ ಏನೂ ನೆಪ ಹೇಳದೆ ಒಪ್ಪಿಕೊಂಡೆಯಲ್ಲ… ನಿನ್ನ ಅಲ್ಲೇ ತಬ್ಬಿ ಮುದ್ದಾಡಬೇಕು ಅನ್ನಿಸಿತ್ತು.
ಮಾತೊಂದ ಹೇಳುವೆನು
ಹತ್ತಿರ ಹತ್ತಿರ ಬಾ….
ಮುತ್ತೊಂದ ತಂದಿರುವೆ
ಮೆತ್ತಗೆ ಮೆತ್ತಗೆ ಬಾ….
ಭಯ ಪಟ್ಟಿದ್ದು ಅವತ್ತೇ ಕೊನೆ ಚಿನ್ನು ಆಮೇಲೆ ಬರೀ ಪ್ರೀತಿ, ಪ್ರೀತಿ, ಪ್ರೀತಿ…. ಅವತ್ತಿಂದ ಇವತ್ತಿಗೆ ಲೆಕ್ಕ ಹಾಕಿದ್ರೆ ಎಷ್ಟು ಮುತ್ತು, ಎಷ್ಟು ಕೋಪ, ಎಷ್ಟು ಸಾಂತ್ವನ, ಎಷ್ಟು ಜಗಳ…. ಆದರೂ ಅವುಗಳ ನಡುವೆಯೇ ಎಷ್ಟು ಚೆಂದನೆ ಪ್ರೀತಿಯಿಂದ ಬದುಕುತ್ತಿದ್ದೇವೆ ಅಲ್ವಾ ? ಅದಕ್ಕೇ ಕಣೇ ನಮ್ಮದೇ ಆದರ್ಶ ಜೋಡಿ ಅಂತ ನಾನು ಹೇಳಿದ್ದು. ಅದೆಲ್ಲ ಸರಿ ಮೊನ್ನೆ ಯಾಕ್ಹಂಗೆ ಕೋಪ ಮಾಡ್ಕೊಂಡು ಹೋದೆ ಬಂಗಾರೀ.. ಕೋಪದಲ್ಲೂ ನೀ ಮುದ್ದಾಗಿರ್ತೀಯ ಅಂದಿದ್ದೇ ತಪ್ಪಯ್ತಾ ? ನಿನ್ನಾಣೆ ನಿಜ ಶಮ್ಮೀ ಅವತ್ತು ಬಾಸ್ ಸಿಕ್ಕಾಪಟ್ಟೆ ರೇಗಿದ್ದ ಅದೇ ಟೆನ್ಶನ್ನಲ್ಲಿ ನಿಂಗೆ ಬೈದೆ ಸಾರಿ ಕಣೇ… ಬಾವನೆಗಳನ್ನು ಅನ್ನಿಸಿದಂಗೆ ಹರಿಬಿಡೋಕೆ ನನಗಾದ್ರೂ ನೀನಲ್ದೆ ಯಾರಿ ದಾರೆ ಹೇಳು. ಮನೇಲಿ ಅಪ್ಪನ ಎದುರು ನಿಲ್ಲೋಕೇ ಭಯ… ಅಮ್ಮ ದಿನ ಪೂತರ್ಿ ಕೆಲಸ ಮಾಡಿ ಸುಸ್ತಾಗಿತರ್ಾಳೆ… ತಂಗಿ ಮುಖ ನೋಡಿದ್ರೆ ಇನ್ನೂ ಪುಟ್ಟ ಹುಡುಗಿ ಅನ್ಸುತ್ತೆ… ಹೆಂಗೆ ರೇಗಲಿ ? ನಂಗೆ ಎಲ್ಲರಿಗೂ ಹೆಚ್ಚು ಪ್ರೀತಿ ನಿನ್ ಮೇಲೆ ಅಲ್ವೇನೆ ? ನೀನೇ ತಾನೇ ಬದುಕು ಪೂತರ್ಿ ನನ್ನ ಜತೆ ಹೆಜ್ಜೆ ಹಾಕೋಳು….. ಪ್ಲೀಸ್ ನನ್ನ ಸ್ವಲ್ಪ ಅರ್ಥ ಮಾಡ್ಕೋ… ನಂಗೆ ಕೋಪ ಬಂದಾಗ ನೀನೂ ರೇಗಿದ್ರೆ ಹೆಂಗೆ ? ಆವಾಗೆಲ್ಲ ನೀನು ಚೂರೇ ಚೂರು ಸಮಾಧಾನ ಮಾಡು ಸಾಕು… ಆಮೇಲೆ ನೋಡು ಚಿನ್ನಾ… ನಿನ್ನಂಥ ನೀನೇ ಬೆರಗಾಗುವಂತೆ
ಒಲಿದ ಜೀವಾ ಜತೆಯಲಿರಲು
ಬಾಳು ಸುಂದರಾ
ವಿಶ್ವವೆಲ್ಲಾ ಭವ್ಯವಾದ
ಪ್ರೇಮ ಮಂದಿರಾ….
ಅನ್ನುತ್ತಲೇ ನಿನ್ನ ಇನ್ನೊಂದು ಹನಿಮೂನ್ಗೆ ಕರ್ಕೊಂಡು ಹೋಗ್ಲಿಲ್ಲ ಅಂದ್ರೆ ಕೇಳು… ಶಮ್ಮೀ, ಮೂರು ದಿನದಿಂದ ನಿನ್ನ ಮುನಿಸು ಬಿಡಿಸಲು ಐಡಿಯಾ ಹುಡುಕುತ್ತಲೇ ಇದೀನಿ. ಆದರೆ ನನ್ನಂಥ ಪೆದ್ದನಿಗೆ ನಿನ್ ಥರಾ ಬುದ್ಧಿವಂತೆಯನ್ನು ನಗಿಸೋದು ಕಷ್ಟವೇ ಅಲ್ವಾ ? ಅದಕ್ಕೇ ನೀನೇ ರಾಜಿ ಮಾಡ್ಕೊಳೇ ಪ್ಲೀಸ್. ಬೇರೇನೂ ಬೇಡ; ಒಂದು ಮಿಸ್ಡ್ ಕಾಲ್ ಕೊಡು ಸಾಕು ನೀ ಕೋಪ ಬಿಟ್ಟೆ ಅಂದ್ಕೊಂಡು ಕರೆಕ್ಟಾಗಿ ಅರ್ಧ ಗಂಟೆಯೊಳಗೆ ಮಿಟ್ಟಲ್ ಟವರ್ ಹತ್ರ ಕಾಯ್ತಾ ಇರ್ತೀನಿ.. ನೀನು ಐದು ನಿಮಿಷ ಲೇಟಾಗೇ ಬಾ ಪರ್ವಾಗಿಲ್ಲ ಈ ಬಾರಿ ನಾನು ಬೈಯಲ್ಲ… ಅದರೆ ಈಗೊಂದು ಬಾರಿ ಮುನಿಸು ಬಿಟ್ಬಿಟ್ಟು ಮಾತಾಡೇ…
ನನಗಾಗಿ ಬಂದಾ ಆನಂದ ತಂದಾ
ಹೆಣ್ಣೇ ಮಾತಾಡೆಯಾ….
ನಿನ್ನ ಮಾತು, ಆ ಮೇಲಿನ ಮುತ್ತು ಮತ್ತು ಅದರ ಮತ್ತಿಗಾಗೇ ಕಾಯುತ್ತಿರುವ ಫುಲ್ ಫುಲ್ ನಿನ್ನ,
ಪಾಪದ ಹುಡುಗ
(ವರ್ಷಗಳ ಹಿಂದೆ ವಿಜಯ ಕನರ್ಾಟಕದ ಈ ಗುಲಾಬಿಗಾಗಿ ಬರೆದದ್ದು & ಚಿತ್ರ ಎಂದಿನಂತೆ Net ನಿಂದ ಕದ್ದಿದ್ದು )